Laxnessvefur
Halldór Laxness (1902-1998) er tengdur Mosfellssveit og -bæ órofa böndum. Hann ólst upp að Laxnesi í Mosfellsdal, kenndi sig alla tíð við bernskustöðvar sínar og settist að í dalnum sem fulltíða maður. Hann sá bernskuár sín í dalnum í hillingum og í nokkrum bóka sinna sækir hann efniviðinn í Mosfellssveit, einkum í Innansveitarkroniku og endurminningabókinni Í túninu heima.
Á Laxnessvefnum er gert grein fyrir tengslum Halldórs við byggðarlagið sem skipta miklu máli til að átta sig á rithöfundinum og Mosfellingnum Halldóri Laxness.
Ljósmyndir úr ýmsum áttum og skrif Halldórs og annarra verða notuð til að bregða upp mynd af skáldinu og sveitinni á fyrri tíð.
Bjarki Bjarnason ritaði texta og sá um myndaval.
Áhugaverðir tenglar
Halldór hleypir heimadraganum
Halldór settist á skólabekk í Reykjavík en hinn stóri heimur kallaði hann til sín.
Kronikan
Innansveitarkronika er sérkennileg blanda af sagnfræði og skáldskap og einstök meðal verka skáldsins.
Minningabækur
Halldór skrifaði fjórar endurminningabækur þar sem hann sótti efniviðinn, í mismiklum mæli þó, til æskuslóðanna.