Fréttir eftir mánuðum

Föstudaginn 28. maí opnaði Iða Brá Ingadóttir sýninguna VERA í Listsal Mosfellsbæjar. Sýningin er innsetning unnin úr blönduðum miðlum. Á veggjunum eru draumkenndar ljósmyndir og úr loftinu hanga glitrandi marglyttur. Á gólfinu er rúm sem sýningargestum býðst að setjast í og upplifa sýninguna í ró og næði. Sýningin er hugsuð sem nokkurs konar vin í amstri dagsins, heilunarstaður og rými til djúpslökunar. Opið er virka daga kl. 12-18 og laugardaga kl. 12-16.

Stórskemmtileg Harry Potter ritsmiðja fór fram í Bókasafninu í síðustu viku! Smiðjustjóri var engin önnur en Arndís Þórarinsdóttir rithöfundur. Smiðjan heppnaðist einstaklega vel og voru þátttakendur mjög áhugasamir og uppfullir af sniðugum hugmyndum.

Bókasafnið er lokað 17. júni. Gleðilega hátíð!

Dr. Bæk sótti Bókasafnið heim á dögunum. Þrátt fyrir að veðrið hafi ekki verið hjólreiðahvetjandi komu ansi margir bæjarbúar í safnið og nýttu sér þjónustu doktorsins. Eins nýttu margir tækifærið og skráðu sig í Sumarlestur sem er lestrarátak safnsins yfir sumarmánuðina.

Bókasafnið verður opnað kl. 12:00 þriðjudaginn 1. júní vegna starfsdags Bókasafns Mosfellsbæjar.