logo
  • Virðing -
  • Jákvæðni -
  • Framsækni -
  • Umhyggja

Fréttasafn

Afgreiðslutími yfir páskana

15.04.2019Afgreiðslutími yfir páskana
Bókasafnið verður lokað skírdag, föstudaginn langa og annan í páskum en óbreyttur afgreiðslutími laugardaginn 20. apríl frá kl. 12.00-16.00. Gleðilega páska.
Meira ...

Íslenskuskólinn í Vín sendir Bókasafni Mosfellsbæjar þakkir

10.04.2019Íslenskuskólinn í Vín sendir Bókasafni Mosfellsbæjar þakkir
Katrín Kristjánsdóttir íslenskukennari í Vín þakkar Bókasafninu fyrir blöð og bækur: Krakkarnir voru ekkert smá ánægð með Andrés Önd og einhverjir foreldrar fóru líka heim með bækur til að lesa sjálf ;) Flotta Víkingabókin kom eins og himnasending þar sem krakkarnir hafa verið að læra mikið um Víkingana í vetur! Takk kærlega fyrir okkur þvílíkar gjafir sem við fengum og enn meira kemur með flugi um páskana til okkar.
Meira ...

Vinningshafi í marsgetraun Bókasafnsins

08.04.2019Vinningshafi í marsgetraun Bókasafnsins
Sigurrós Ingimarsdóttir vann marsgetraun Bókasafnsins. Hún er í 4. bekk í Krikaskóla og æfir auk þess fótbolta. Sigurrós kemur reglulega til okkar í safnið með mömmu sinni eða vinkonunum. Uppáhaldsbókin hennar er Matthildur en það er einmitt bókin sem hún fékk í verðlaun! Svo er líka gaman að segja frá því að Sigurrós á afmæli á morgun og verður 10 ára. Til hamingju!
Meira ...

Hamur í Listasalnum

03.04.2019Hamur í Listasalnum
Laugardaginn 30. mars sl. var opnuð ný sýning í Listasal Mosfellsbæjar. Sýningin Hamur er fimmta einkasýning Hildar Ásu Henrýsdóttur sem er ung listakona ættuð af Langanesi. Verk Hildar Ásu eru óvægin og kraftmikil og er listakonan óhrædd við að nota sjálfa sig sem efnivið. Umfjöllunarefni sýningarinnar eru þeir rammar sem samfélagið hefur smíðað utan um konur og kvenleikann. Við hvetjum fólk til að láta þessa áhrifamiklu sýningu ekki framhjá sér fara. Sýningin er opin kl. 12-18 á virkum dögum og kl. 12-16 á laugardögum. Ókeypis aðgangur og allir velkomnir.
Meira ...

Hundar sem hlusta

02.04.2019Hundar sem hlusta
Laugardaginn 30. mars síðastliðinn bauð Bókasafnið börnum að koma í safnið og lesa sér til ánægju fyrir sérþjálfaða hunda. Viðburðurinn er í samstarfi við félagið Vigdísi - Vini gæludýra á Íslandi en það er aðili að lestrarverkefninu R.E.A.D – Reading Education Assistance Dogs sem starfar um allan heim. Tíkurnar Hekla og Skotta komu ásamt eigendum sínum þannig að tvö börn gátu lesið í einu. Þetta tókst afar vel og komust færri að en vildu. Stefnt er að því að vera með Hunda sem hlusta aftur í haust. Hér má sjá Ástu með Skottu og Sigurlaugu með Heklu.
Meira ...

Aprílgetraun

01.04.2019Aprílgetraun
Nú er komið að nýrri barnagetraun. Í þetta sinn spyrjum við um Nóbelsverðlaunahafa, stráka sem skemmta sér konunglega án þess að vera með nýjustu leikföngin og kvartsárar prinsessur. Einn heppinn sem svarar öllu rétt fær bók í verðlaun. Munið bara að merkja svarblaðið vel og vandlega!
Meira ...

Hamur — opnun á sýningu Hildar Henrýsdóttur

27.03.2019Hamur — opnun á sýningu Hildar Henrýsdóttur
Sýningin Hamur verður opnuð í Listasal Mosfellsbæjar laugardaginn 30. mars kl. 14-16. Listakonan Hildur Ása Henrýsdóttir (f. 1987) hefur vakið athygli fyrir einlæg og kraftmikil verk sín. Á sýningunni gerir hún að umfjöllunarefni sínu þá ramma samfélagsins sem smíðaðir hafa verið utan um konur og kvenleikann.
Meira ...

Menningarvor í Mosfellsbæ 2019 - Þriðjudagana 2. og 9. apríl

27.03.2019Menningarvor í Mosfellsbæ 2019 - Þriðjudagana 2. og 9. apríl
Dagskráin fer fram í Bókasafni Mosfellsbæjar og hefst kl. 20.00 bæði kvöldin. Léttar veitingar í boði og ókeypis aðgangur.
Meira ...

Bókasafnið opnar kl. 14 föstudaginn 29.mars.

25.03.2019Bókasafnið opnar kl. 14 föstudaginn 29.mars.
Vegna fræðsluferðar starfsmanna verður Bókasafnið opið 14:00-18:00 föstudaginn 29. mars. Þetta á einnig við um lesaðstöðuna.
Meira ...

Fjölmenningarhátið í Mosfellsbæ 11.maí í Kjarna

19.03.2019Fjölmenningarhátið í Mosfellsbæ 11.maí í Kjarna
Takið daginn frá! Viltu taka þátt? Hafðu samband í 898-6065 eða bokasafn@mos.is
Meira ...

Vinningshafi í febrúargetraun Bókasafnsins

12.03.2019Vinningshafi í febrúargetraun Bókasafnsins
Fannar Davíð Karlsson er sannkallaður lukkunnar pamfíll! Á sjálfan sjö ára afmælisdaginn fékk hann símhringingu um að hann hefði unnið í febrúargetraun Bókasafnsins og kom til okkar að sækja pakkann sinn. Fannar Davíð fékk bókina Afi sterki og skrímslin í Kleifarvatni eftir J.K. Kolsöe. Fannar er í 1. bekk í Krikaskóla og æfir bæði handbolta og fimleika. Hann kemur reglulega til okkar í safnið með mömmu sinni og skólanum. Við óskum Fannari Davíð innilega til hamingju með vinninginn – og afmælið!
Meira ...

Tóm gleði

05.03.2019Tóm gleði
Föstudaginn 22. febrúar sl. var sýningin tómir fossar opnuð í Listasal Mosfellsbæjar. tómir fossar er samsýning feðganna Björns Hauks Pálssonar og Páls Hauks Björnssonar. Björn Haukur sýnir hér í fyrsta sinn en Páll Haukur hefur verið virkur í myndlistarheiminum um þó nokkurt skeið. Þema sýningarinnar eru fossar og ýmsar birtingarmyndir þeirra. Um 70 manns mættu á opnun til að gæða sér á list og léttum veitingum. Verkin á sýningunni eru fjölbreytt og „þetta hef ég aldrei séð áður“ heyrðist oftar en einu sinni á opnuninni. Sýningin er opin á afgreiðslutíma Bókasafns Mosfellsbæjar og stendur til 22. mars.
Meira ...

Þessi síða notar vafrakökur Lesa meira